- لعب عيال ،،،

 

هنا نجلس أحسن . . أو هنا . . وين ما تبغين
أنا آحب هذا الركن . . لكن على أيـَّة حـــــــــال
هنا أحسن . . ارمي معطف الفرو للتخميـن
وفيَّة . . تعرفين إن أنا أحـبّْ هـذا الشــــــــــــــــــال
علامك؟ علامك ساكتـة؟ ليـه مـا تحكيــــــــــــن؟
تبين أبتدي؟ حاضر على أمرك براحـة بـــــــــال
على نفس هذي الطاولة مـن ثـلاث سنيــــــــــــــــن
رمت بنت دبلتهـا الذهـب وانكسـر رجَّــــــــــــــــــــــــــــال
تمسَّك بها وحـاول وحـاول وحـاول ... ليــــــــــــــــــــن
بلا ليـن !! كـان يحـاول بكافَّـة الأشكــــــــــــــــــــــــــــــــــــــــال
وشدّت يديهـا وارتفـع صوتهـا .. وبعديـــــــــــــــــــــــــــن؟
أنا لازم أمشي وانـت يكفيـك لعـب عيــــــــــــــــــــــــــال
على احر من قلب انهـدم؛ حـاول المسكيــــــــــــن
وعلى آقلّْ من مهل النَّـدم؛ باعـدت تختـــــــال
هنا . . مات حبّْ ويبس قلب وتملَّـت عيــــــــــــــن
من الملـح واندفنـت حكايـة فـرح وآمـــــــــــــــــــــــــــــــــــــال
وجيتي . . تبين نرجع اللي مضى هالحيــــــــــــن؟
أنا من ثلاث سنين بطلـت لعـب عيــــــــــــــــــــــــــــال !!

الصديق الشاعر: فهد عافت

أنــــــــــــــــــــــ(الغريب)ــــــــــــــــــــــا